Араван районунун мамлекеттик администрациясы Кыргыз Республикасынын Өкмөтүнүн 2019-жылдын 9-октябры № 535-токтомунун негизинде Мамлекеттик менчикте турган жер участокторун ижарага берүү боюнча инвестициялык конкурс жарыялайт.

1-лот айыл аймагы Керме-Тоо айыл аймагы Бел участкасы участкасы 4,0 га. жер аянтына канаттуулар фабрикасы куруу үчүн инвестициялык конкурс жарыялайт. Ижара акынын башталгыч баасы- 9600 сом

Конкурс 2026-жылдын 16-июлу саат 10-00 до Араван районунун мамлекеттик администрациясынын 3-этажында инвестициялык конкурс менен- жер участкаларын ижарага берүү боюнча өтөт. Арыздарды кабыл алуу күнү 2026-жылдын 16-июнунан – 2026-жылдын 15-июлу саат 17-30 чейин. Кепилдик төлүмдүн суммасы-30 пайыз жалпы суммадан кем эмес.

Кепилдик төлөө үчүн Араван районунун мамлекеттик администрациясынын банктык реквизиттери:

ИНН: 01609199210217

БИК 440001

Р/счет: 4407072100001102

ОКПО: 440707

Код.платежа 14511900

Конкурстун катышыш шарттары:

-мамлекеттик менчикте турган жер участогуна ижара келишимин бекитүү укугуна конкурска катышууга арыз; (формага ылайык)

– кепилдик төгүмдү төлөгөндүгү жөнүндө квитанция; (1 жылдык ижара акынын 30% кем эмес)

– архитектура жана курулуш маселелерин жөнгө салуучу ыйгарым укуктуу орган тарабынан берилген жер участогунун жана объектти жайгаштыруунун эскиздик планы;

1) жеке жактар үчүн:

– Кыргыз Республикасынын жаранынын паспортунун көчүрмөсү;

2) юридикалык жактар үчүн:

– уюмдун толук аталышын жана жайгашкан жерин көрсөтүү менен маалым кат (юридикалык дареги, телефон жана башка маалым даректер);

– юридикалык жактын Кыргыз Республикасынын мамлекеттик каттоосунан (кайра каттоо) өткөндүгү тууралуу күбөлүктүн көчүрмөсү;

– уставдын жана уюмдаштыруучу келишимдин көчүрмөлөрү;

– салык төлөөчүнүн идентификациялык номеринин көчүрмөсү (болсо);

-юридикалык жактын атынан чыгууга жана тийиштүү бүтүмдөрдү бекитүүгө ыйгарым укук берген өкүлдүн атына ишеним кат;

– эгер юридикалык жактын жетекчиси (жеке аткаруучу орган) тарабынан арыз берилсе, жетекчиге ижара келишимин бекитүүгө укук берген документ, ошондой эле анын кызматтык абалын күбөлөндүргөн документ талап кылынат;

– эгер юридикалык жак тандалган коллегиалдуу аткаруучу орган тарабынан башкарылса жана ижара келишимин бекитүүгө ушул органдын макулдугу жөнүндө документ талап кылынса, ижара келишимин бекитүүгө органдын макулдугун тастыктаган тийиштүү чечим талап кылынат;

– өкүлдүн ким экендигин ырастоочу документтин көчүрмөсү (конкурска катышуу үчүн каттоодо түп нускасын жеке өзү көрсөтөт);

– Кыргыз Республикасынын Өкмөтүнө караштуу Мамлекеттик салык кызматынын учурдагы айда карызы жоктугу жөнүндө маалым каты.

– конкурстун шарттарына шайкеш келген конкурстук сунуштар.

Эскертүү: кабыл алынган документтер түп нускасы же нотариалдык күбөлөнгөн болуусу шарт.

Байланыш үчүн телефон: 0557 35 35 12, (03231) 5- 08- 06